1 توشہ خانہ کے 2 مقدمات کیسے بن سکتے ہیں؟ جن میں ملزمان بھی 1 جیسے ہیں: عدالت

اسلام آباد ہائی کورٹ نے بشریٰ بی بی کی توشہ خانہ کیس ٹو میں ضمانت کی درخواست پر سماعت کل تک ملتوی کر دی۔

عدالت نے ایف آئی اے کی کیس میں پراسیکیوٹر مقرر کرنے کے لیے ایک ہفتے کا وقت دینے کی استدعا بھی مسترد کر دی۔

عدالت میں جسٹس میاں گل حسن اورنگزیب نے کہا کہ کل تک پراسیکیوٹر مقرر کر کے عدالت میں پیش ہوں۔

بشریٰ بی بی کے وکیل بیرسٹر سلمان صفدر نے کہا کہ مقدمہ یہ بنایا کہ 7 مئی سے 10 مئی کے دوران تحفے ملے، ملٹری سیکریٹری نے توشہ خانے کے سیکریٹری کابینہ ڈویژن کو انفارم کر دیا تھا۔

توشہ خانہ کیس ٹو: بشریٰ بی بی کی درخواست ضمانت سماعت کیلئے مقرر

اسلام آباد ہائی کورٹ کے جسٹس میاں گل حسن اورنگزیب اس درخواست پر سماعت کریں گے۔

سلمان صفدر نے کہا کہ بلغاری سیٹ کی تقریباً 60 لاکھ روپے قیمت لگائی، پرائس کا تخمینہ 5.8 ملین لگایا گیا، اس قیمت کے تخمینے کو کسٹم کلیکٹر سمیت 3 افراد نے درست قرار دیا۔

انہوں نے کہا کہ تقریباً 30 لاکھ روپے کی ادائیگی پر یہ خرید لیا گیا، پراسیکیوشن کا کہنا ہے کم قیمت لگوا کر خزانے کو نقصان پہنچایا گیا۔

وکیل سلمان صفدر نے کہا کہ توشہ خانہ ٹو کیس پہلے ریفرنس سے ملتا جلتا کیس ہے، پہلے اور اس ریفرنس میں ایک جیسے الزامات ہیں۔

عدالت میں انہوں نے کہا کہ ایک توشہ خانہ کے دو مقدمات کیسے بن سکتے ہیں، دونوں مقدمات میں ملزمان بھی ایک جیسے ہیں۔

بعدازاں عدالت نے بشریٰ بی بی کی توشہ خانہ کیس ٹو میں ضمانت کی درخواست پر سماعت کل تک ملتوی کر دی