مجھے بھی والد کے ساتھ جانا ہے، باپ کے جنازے پر فلسطینی بچے کے جذبات نے سب کو رلا دیا

اسرائیل کی جانب سے غزہ کے نصیرات کیمپ میں بے گھر افراد کے خیمے کو نشانہ بنایا گیا، جس میں متعدد افراد شہید ہوگئے، اس دوران ایک بچہ والد کے جنازے پر فرط جذبات سے بےقابو ہوگیا، ویڈیو بھی سامنے آگئی۔

فوٹوز اینڈ ویڈیوز شیئرنگ ایپ انسٹاگرام پر شیئر کی گئی ویڈیو میں دیکھا جاسکتا ہے کہ غزہ میں لوگ جنازے لے کر جارہے ہیں کہ اس دوران ایک بچہ اپنے والد کی میت کو دیکھ کر جذبات پر قابو نہیں رکھ پاتا اور بے اختیار رو دیتا ہے۔

اس دوران بچہ مسلسل یہ کہتا نظر آرہا ہے کہ"مجھے ان کے ساتھ سونا ہے۔"  جبکہ وہاں موجود لوگ اسے تسلیاں دینے کی کوشش کررہے ہیں۔

اسرائیل کی حماس چیف یحییٰ سنوار کو قتل کرنے کی کھلے عام دھمکیاں

غزہ میں اسرائیل کی جانب سے فلائرز گرائے گئے، جس میں حماس رہنما یحییٰ سنوار کو دھمکی دی گئی ہے۔

اس دردناک منظر کو دیکھ کر ہر آنکھ اشکبار ہے اور لوگوں کی جانب سے بھی افسوس کے ساتھ دعائیہ تبصروں کا سلسلہ جاری ہے۔

غزہ میں اسرائیلی فوج کی جارحیت جاری ہے، نئی بمباری میں اسرائیل نے 24 گھنٹوں کے دوران 45 سے زائد افراد کو شہید اور 130 شہریوں کو زخمی کردیا ہے۔

غزہ کی ایک اداس تصویر نے سب کو رلا دیا، یہ درد بھری کہانی کیا ہے؟

روزانہ غزہ سے دہلا دینے والی تصاویر سامنے آتی ہیں جس میں لوگ بے بسی کی تصویر بنے دکھائی دیتے ہیں، ایسی ہی ایک خاتون کی روح کو تڑپا دینے والی تصویر بھی سامنے آئی ہے۔

عرب میڈیا کے مطابق  اسرائیلی افواج نے ایک بار پھر شمالی غزہ پر حملہ کیا ہے، جس سے کم از کم 400,000 فلسطینی پھنسے ہوئے ہیں۔

یاد رہے کہ غزہ میں 7 اکتوبر 2023 سے اب تک اسرائیلی حملوں میں کم از کم 42,010 افراد شہید اور 97,720 زخمی ہو چکے ہیں۔

 اسرائیل میں 7 اکتوبر 2023  کو حماس کے زیر قیادت حملوں میں کم از کم 1,139 افراد ہلاک ہوئے تھے اور 200 سے زائد افراد کو یرغمال بنا لیا گیا تھا۔