امریکا: طوفان میں پالتو کتے کو چھوڑ کر جانیوالا شخص گرفتار

امریکا میں سمندری طوفان ملٹن کے دوران پالتو کتے کو اکیلا چھوڑ کر جانے والے شخص کو گرفتار کر لیا گیا۔

برطانوی میڈیا کے مطابق مبینہ طور پر کتے کو سمندری طوفان کے دوران سیلابی پانی میں ایک جگہ باندھ کر چھوڑ جانے والے شخص پر جانوروں پر ظلم کرنے کا الزام عائد کیا گیا ہے۔

میڈیا رپورٹس کے مطابق الزام ثابت ہونے پرگرفتار شخص کو 5 سال تک قید کی سزا ہو سکتی ہے۔

طوفان ملٹن امریکی ریاست فلوریڈا سے ٹکرا گیا، 5 لاکھ افراد بجلی سے محروم

72 لاکھ افراد کو علاقہ خالی کرنےکی وارننگ جاری کردی گئی۔ فلوریڈا میں دو ہزار پروازیں منسوخ کردی گئیں۔

پالتو کتے کو 9 اکتوبر کو فلوریڈا ہائی وے کے قریب سے پولیس نے ریسکیو کیا تھا اور اس کے مالک کو پیر کے روز گرفتار کیا گیا۔

گرفتار شخص نے بیان دیا ہے کہ طوفان کی وجہ سے فلوریڈا چھوڑ کر جا رہا تھا اور کتے کی دیکھ بھال کرنے والا کوئی نہیں ملا تھا۔