حکمراں عدلیہ کی آزادی پر شب خون مارنے جا رہے ہیں: بیرسٹر سیف

مشیرِ اطلاعات خیبر پختون خوا بیرسٹر محمد علی سیف کا کہنا ہے کہ حکمراں عدلیہ کی آزادی پر شب خون مارنے جا رہے ہیں۔

پشاورسے جاری کیے بیان میں مشیرِ اطلاعات خیبر پختون خوا بیرسٹر محمد علی سیف نے کہا ہےکہ آزاد عدلیہ ہی ظلم و بربریت کے خلاف مؤثر رکاوٹ بن سکتی ہے۔

پی ٹی آئی قیادت میں اختلافات کی افواہیں بےبنیاد ہیں، بیرسٹر سیف

ایک بیان میں بیرسٹر سیف نے کہا کہ علی امین گنڈاپور اور حماد اظہر میں اختلافات کی خبریں من گھڑت ہیں۔

ان کا کہنا ہے کہ آئینی ترمیم کے ذریعے پی ٹی آئی کو دبانے کی کوشش کی جا رہی ہے، بغضِ بانیٔ پی ٹی آئی میں حکمراں ملک کو ہر طرح کا نقصان پہنچا رہے ہیں۔

بیرسٹرسیف کا مزید کہنا ہے کہ آئینی ترامیم کی منظوری کے لیے پارلیمان میں ہر قسم کا دباؤ استعمال کیا جا رہا ہے، وکلاء برادری سے اپیل ہے کہ عدلیہ کے دفاع میں اپنا کردار ادا کرے۔

خیبر پختون خوا کےمشیرِ اطلاعات کا یہ بھی کہنا ہے کہ جمہوریت کی دعوے دار پیپلز پارٹی ن لیگ سے مل کر بھٹو نظریے کے خلاف جا رہی ہے۔