آئینی ترمیم کے مسودے پر تمام جماعتوں نے اتفاق کیا ہے، فاروق ستار

متحدہ قومی موومنٹ (ایم کیو ایم) پاکستان کے سینئر رہنما ڈاکٹر فاروق ستار نے کہا ہے کہ آج تمام جماعتوں نے آئینی ترمیم کے مسودے پر اتفاق کیا، جو ڈرافٹ فائنل ہوا یہی حتمی ہے۔

خصوصی کمیٹی اجلاس کے بعد میڈیا سے گفتگو میں ڈاکٹر فاروق ستار نے کہا کہ سمندرپار پاکستانیوں کو الیکشن لڑنے کا حق دینے کی تجویز ہماری ہے، اس تجویز پر بیشتر ارکان نے اتفاق کیا ہے۔

آئینی ترمیم پر ووٹنگ 21 اکتوبر تک ہوسکتی ہے، ارکان اسلام آباد پہنچیں، ایم کیو ایم

حکمران اتحاد میں شامل متحدہ قومی موومنٹ (ایم کیو ایم) نے اپنے ارکان پارلیمان کو اسلام آباد پہنچنے کی ہدایت کردی ۔

انہوں نے کہا کہ آئینی ترمیم کے مسودے پر تقریباً اتفاق رائے ہوگیا ہے، کل کا جو ڈرافٹ ہے، وہ قابل قبول ہے، تحریک انصاف نکات پر مخالفت نہیں کر رہی ہے۔

ایم کیو ایم رہنما نے مزید کہا کہ تحریک انصاف سیاسی بنیادوں پر اپنی پالیسی کے مطابق مخالفت کر رہی ہے، جب تک قومی اسمبلی اور سینیٹ میں مسودہ پیش نہیں ہوتا کوئی مسودہ حتمی نہیں ہوگا۔

ان کا کہنا تھا کہ پی ٹی آئی کو آئینی ترمیم کے نکات پر تکنیکی طور پر کوئی اعتراض نہیں ہے، پی ٹی آئی بطور سیاسی پالیسی مسودے کی مخالفت برائے مخالفت کر رہی ہے۔

ڈاکٹر فاروق ستار نے یہ بھی کہا کہ جب تک مسودہ قومی اسمبلی یا سینیٹ میں نہیں آتا اسے حتمی نہیں کہہ سکتے۔