ایران پر حملے کی پشت پناہی کرنیوالے کو جوابدہ ٹھہرایا جائے: ایرانی وزیرِ خارجہ

ایرانی وزیرِ خارجہ عباس عراقچی کا کہنا ہے کہ ایران پر حملے کی حماقت کرنے والوں کی پشت پناہی کرنے والے کو جوابدہ ٹھہرایا جائے۔

عباس عراقچی نے امریکی صدر جو بائیڈن کے بیان پر اپنے ردِ عمل کا اظہار کیا ہے۔

اقوام متحدہ: امریکی صدر جو بائیڈن کا پھر غزہ میں اسرائیلی جارحیت کا دفاع

کسی بھی ملک کو حق ہے کہ وہ یقینی بنائے کہ اس پر دوبارہ حملہ نہ ہو۔ دنیا 7 اکتوبر کے حملوں کو نظر انداز نہیں کرسکتی، امریکی صدر

ان کا کہنا ہے کہ جس کسی کے پاس اسرائیل کے ایران پر حملے کی معلومات ہیں یا وہ اس قسم کی حماقت کرنے کے لیے وسائل فراہم کر رہا ہے تو اسے کسی بھی ممکنہ نقصان کا ذمے دار بھی ٹھہرایا جانا چاہیے۔

یاد رہے کہ امریکی صدر جو بائیڈن نے برلن میں صحافیوں سے گفتگو کرتے ہوئے کہا تھا کہ معلوم ہے کہ اسرائیل کب اور کیسے ایران کے میزائل حملوں کا جواب دینے جا رہا ہے۔