فرمان الہی
نماز کے اوقات
امریکی ریاست الاباما کے رہائشی ایک جوڑے کے گھر کے سیکیورٹی کیمرے نے ایک ریچھ کے اس لمحے کو فلمبند کیا ہے جب وہ اپنے پچھلے پیروں پر کھڑا ہوکر کوڑے دان کو باہر لے جاتا نظر آیا۔
ویڈیو میں دیکھا جاسکتا ہے کہ ریچھ اپنی پچھلی ٹانگوں پر کھڑے ہوکر وہیلی بین کے ہینڈل میں اپنی اگلی ٹانگوں کو ڈال کر بالکل انسانوں کی طرح کوڑے دان کو گھر سے کھینچ کر باہر نکال رہا ہے۔
گھر کے مالک بریانا ہوون نے سوشل میڈیا پر ویڈیو شیئر کی اور مزاح انداز میں کہا جس نے بھی ریچھ کا لباس پہن کر ہمارے کچرے کے ڈبے کو سڑک پر اچھی طرح سے گھمایا، اس کا شکریہ۔
برائس ہوون کے مطابق ریچھ نے کوڑے دان کو 15 سے 20 فٹ تک کھینچ کر چلایا اور اسے پڑوس کے صحن میں لے جا کر ڈالا اور پھر اس پر لیٹ کر کھانا شروع کر دیا۔
اس جوڑے کا کہنا تھا کہ ریچھ نے اگلی صبح یہی کوشش دوسری بار کی لیکن وہ سیڑھی اور کرسی سے ٹکرا کر گر گیا۔
