• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نامور ادیب، انقلابی دانشور سید سجاد ظہیر کی سالگرہ کل منائی جائیگی

آج کا اخبار
اہم خبریں
04 نومبر ، 2024
اسلام آباد(اے پی پی) نامور ادیب، انقلابی دانشور سید سجاد ظہیر کی سالگرہ 5 نومبر کو منائی جائے گی۔ سید سجاد ظہیر 5 نومبر 1905ء کو ریاست اودھ کے چیف جسٹس سر وزیر خاں کے گھر پیدا ہوئے۔لکھنؤ یونیورسٹی سے ادب پڑھنے کے بعد والد کے نقش قدم پر انھوں نے برطانیہ جاکر آکسفورڈ یونیورسٹی میں قانون کی تعلیم حاصل کی۔ انھوں نے قانون کے ساتھ ادب کا بھی مطالعہ کیا۔ انھوں نے ’ترقی پسند رائٹرس ایسوسیشن ‘ کی بنیاد رکھی ۔ 1936 میں لکھنؤ کے اجلاس میں وہ پی ڈبلیو اے کے پہلے سیکرٹری منتخب ہوئے ۔ ان کی اہلیہ رضیہ سجاد ظہیر بھی اردو کی معروف ناول نگار ہیں۔ ان کی تصانیف میں ناول لندن کی ایک رات ،ترقی پسند ادب اور تحریک پر ادبی مضامین، فارسی شاعرحافظ پر ملفوظاتاور پگھلتا نیلم کے نا سے تحریر کیا گیا آخری شعری مجموعہ قابل ذکر ہیں۔ انہوں نے دیگر کئی زبانوں کے ادبی شہ پاروں کے تراجم بھی کئے۔ سید سجاد ظہیر نے 11 ستمبر 1973 کو الماتے (قازقستان میں ایفرو ایشیائی مصنفین کی تنظیم کے ایک اجلاس کے دوران وفات گئے۔
اہم خبریں سے مزید