• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جے شنکر، ایاز صادق مصافحہ کو بڑھا چڑھا کر پیش کیا گیا، سابق بھارتی سفارتکار

آج کا اخبار
اہم خبریں
02 جنوری ، 2026
کراچی (نیوز ڈیسک)جے شنکر، ایاز صادق مصافحہ کو بڑھا چڑھا کر پیش کیا گیا، سابق بھارتی سفارت کار سُریش کے گویل نے انوکھی منطق پیش کرتے ہوئے کہا کہ پاکستانی رپورٹس ہنسی کی باتیں ہیں، وزرا بھارتی رہنماؤں کا پیچھا کرتے ہیں۔ سابق سفارت کار سُریش کے گویل نے بھارتی خبر رساں ایجنسی کو دیے گئے انٹرویو میں کہا ہے کہ پاکستان سے سامنے آنے والی رپورٹس جو بھارتی وزیر خارجہ جے شنکر اور پاکستانی اسپیکر ایاز صادق کے ڈھاکہ میں ہاتھ ملانے کے واقعے کو بڑھا چڑھا کر پیش کرتی ہیں، ہنسی کی بات ہے۔ ان کا کہنا تھا کہ موجودہ کشیدہ حالات میں، جب دونوں ممالک کے تعلقات دہشت گردی اور عسکری کشیدگی کے باعث سخت ہیں، پاکستانی وزراء بھارتی رہنماؤں کو دیکھتے ہی امید لگائے بیٹھتے ہیں کہ حالات بدل جائیں گے۔ اس تبصرے کا پس منظر ایک موقع پر جے شنکر اور ایاز صادق کے درمیان ڈھاکہ میں سابق بنگلہ دیشی وزیر اعظم خالدہ ضیا کے جنازے کے سلسلے میں مختصر مصافحہ ہے، جسے پاکستان نے نمایاں تعلق قرار دیا تھا، لیکن گویل نے اس کو مبالغہ قرار دیا۔
اہم خبریں سے مزید