فرمان الہی
نماز کے اوقات
اسلام آباد (صالح ظافر) پاکستانی سفیر کی شارجہ انٹرنیشنل بک فیئر میں شرکت، پاکستان اور یو اے ای میں گہرے ثقافتی تعلقات کو مزید مضبوط بنانے کے عزم کا اظہار کیا۔ تفصیلات کے مطابق متحدہ عرب امارات (یو اے ای) میں پاکستان کے سفیر فیصل نیاز ترمذی نے گہرے ثقافتی رشتوں کو مزید مضبوط کیا ہے اور پاکستان اور متحدہ عرب امارات کے درمیان مشترکہ خواہشات کا اظہار کیا۔ انہوں نے شارجہ انٹرنیشنل بک فیئر (ایس آئی بی ایف) میں شرکت کی، جہاں انہوں نے ادبی اور اشاعتی شعبوں کے سینئر رہنماؤں کے ساتھ ملاقات کی۔ شارجہ بک اتھارٹی(ایس بی اے) کے سی ای او احمد بن رکاد الامیری سے گفتگو کرتے ہوئے سفیر ترمذی نے عالمی ادبی برادری کو فروغ دینے کے لیے اتھارٹی کے عزم کی تعریف کی اور ایس آئی بی ایف میں پاکستانی مصنفین اور پبلشرز کی شمولیت کی حمایت کرنے پر العمیری کا تہہ دل سے شکریہ ادا کیا۔ سی ای او نے پاکستان کے بھرپور ادبی ورثے کی تعریف کی اور پاکستانی ادب کی عالمی موجودگی کو بڑھانے کے لیے ایس بی اے کی لگن پر زور دیا۔ سفیر ترمذی نے خواندگی اور ثقافتی تبادلے کو فروغ دینے کے لیے ایس بی اے کے اقدامات کو سراہتے ہوئے ایسے پلیٹ فارمز کی اہمیت پر زور دیا جو قارئین اور عالمی ادبی تعریف کو فروغ دیتے ہیں۔
