فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم کے کپتان محمد رضوان کا کہنا ہے کہ ٹی ٹوئنٹی سیریز میں بھی آسٹریلیا کو واش آؤٹ کریں گے۔کوئی اُمید نہیں کر رہا تھا کہ آسٹریلیا کو آسٹریلیا میں ہرائیں گے، لیکن کھلاڑیوں نے کر دکھایا۔ انہوں نے کھلاڑیوں کا جوش بڑھاتے ہوئے عزم کا اظہار کیا کہ اب آسٹریلیا کو ٹی 20 سیریز میں واش آؤٹ کر کے پاکستان کرکٹ ٹیم نئی تاریخ بنائے گی۔ پاکستان ٹیم ایک ہے اور متحد ہوکر کھیلی تو لوگوں کی نظروں میں ناممکن فتح حاصل ہوئی۔ پوری امید ہے کہ دنیا کی ٹیموں نے ہم سے سیکھا ہو گا۔ بدھ کو ڈریسنگ روم میں کھلاڑیوں سے خطاب میںرضوان نے کہا کہ آسٹریلیا میں جیت سے سیکھنے کا عمل شروع ہوا ہے۔ ہمارے گولز اور ہدف بڑے بڑے ہونے چاہئیں، چیمپئنز ٹرافی، ورلڈ کپ اور اولمپکس جیسے ٹائٹل جیتنے ہیں، کسی بھی ملک جائیں گے، تاریخ رقم کریں گے۔ 22 سال اور 23 سال سے نہ جیتنے والی باتیں ختم کریں گے ، سب سے فیڈ بیک لیتا رہا، مینجمنٹ اور کھلاڑیوں سے مشورے کرتا رہتا ہوں، ون ڈے سیریز جیتنے کی خوشیاں منائیں لیکن پاکستانی ستارے کا خیال رکھیں۔
