فرمان الہی
نماز کے اوقات
کراچی(اسٹاف رپورٹر) پاکستان بلائنڈ کرکٹ کونسل نے23نومبر سے شروع ہونے والے چوتھے ٹی ٹوئنٹی بلائنڈ کرکٹ ورلڈ کپ کیلئے 16 رکنی قومی ٹیم کا اعلان کردیا ہے ۔ چیئرمین سید سلطان نے کہا کہ بھارتی ٹیم آئے یا نہ آئے ورلڈ کپ کی میزبانی پاکستان ہی کرے گا ۔ پاکستان بھارتی ٹیم کو ویزا دے رہا ہے۔ ان کی حکومت اجازت نہیں دے رہی ۔کسی ٹیم کے نہ آنے سے فرق نہیں پڑتا۔ نثار علی کپتان اور بدرمنیر نائب کپتان ہونگے ۔ دیگر کھلاڑیوں میں بی ون کیٹیگری میں ظفر اقبال، محمد ادریس سلیم، محمد شاہ زیب، فخرعباس، محمد آصف،محمد سلمان، بی ٹو کیٹیگری میں بابر علی، نعمت اللہ،ہارون خان، بی تھری میں محمد صفدر، کامران اختر، اکمل حیات ناصر، طلحہ اقبال اور مطیع اللہ شامل ہیں۔ محمد ایاز، معین اسلم اور محمد راشد ریزرو کھلاڑی ہوں گے ۔ پاکستانی ٹیم اپنا افتتاحی میچ 23 نومبر کو جنوبی افریقہ کیخلاف لاہور میں کھیلے گی۔
