فرمان الہی
نماز کے اوقات
کراچی (اسٹاف رپورٹر) پاکستان شاہینز ، سری لنکا اے کے خلاف پہلے چار روزہ میچ کے دوسرے دن اپنی پہلی اننگز میں 258 رنز بناکر آؤٹ ہوگئی ۔ اس طرح پہلی اننگزمیں143 رنز کی برتری حاصل ہوگئی۔ سری لنکا اے نے کھیل ختم ہونے پر اپنی دوسری اننگز میں ایک وکٹ پر 77 رنز بنائے تھے۔ اوشادا فرنینڈو بغیر کوئی رن بنائے آؤٹ گئے۔ وکرما سنگھے 48 اور دھن جایا 23 رنز پر کریز پر موجود ہیں۔ راولپنڈی میں شاہینز نے 66 رنز 2 کھلاڑی آؤٹ پر اپنی پہلی اننگز شروع کی تاہم 90 کے مجموعی اسکور پر وشوا فرنینڈو نے لگاتار گیندوں پر محمد سلیمان 24 اور حیدر علی کو صفر پر آؤٹ کردیا۔ علی زریاب اور روحیل نذیر نے 55،55 جبکہ حسین طلعت نے 56 رنز اسکور کیے۔ لیفٹ آرم فاسٹ بولر وشوا فرنینڈو نے 44 رنز دے کر 4 وکٹیں حاصل کیں۔
