فرمان الہی
نماز کے اوقات
کراچی (اسٹاف رپورٹر) میئر کراچی بیرسٹر مرتضیٰ وہاب نے کہا ہے کہ گورنمنٹ اسکول کے طالب علموں کا میٹرک کے امتحان میں پوزیشن لینا باعث مسرت ہے، والدین کے سرفخر سے بلند ہوگئے ہیں،میٹرک کے امتحان میں پہلی پوزیشن حاصل کرنے والے طالب علم حافظ عبدالرافع کو آئی فون جبکہ دوسری اور تیسری پوزیشن حاصل کرنے والی طالبات رومیسا عمران اور رخسار کو بطور انعام لیپ ٹاپ د یئے جائینگے ،یہ بات انہوں نے منگل کے روز اپنے دفتر میں پوزیشن حاصل کرنے والے طلبہ سے ملاقات کے موقع پر کہی، بچوں کے والدین، میٹرک بورڈ کے افسران اور اسکولوں کے ہیڈ ماسٹرز بھی موجود تھے،میئر کراچی نے کہا کہ بیرون ملک تعلیم کے لئے ہر طرح کی مدد کی جائے گی، دریں اثنا رضوان جعفر کی سربراہی میں یوتھ پارلیمنٹ کے چالیس رکنی وفد سے ملاقات میں میئر کراچی نے کہا ہے کہ اپنے شہر کو بہتر دیکھنے کی خواہشمند نئی نسل ہمارا ساتھ دے۔
