فرمان الہی
نماز کے اوقات
اسلام آباد ( رپورٹ حنیف خالد )سینٹرل ڈیولپمنٹ ورکنگ پارٹی (سی ڈی ڈبلیو پی) نے وزیر منصوبہ بندی و ترقیات اور نائب چیئرمین پلاننگ کمیشن احسن اقبال کی زیر صدارت اجلاس میں 7 ترقیاتی منصوبوں کی منظوری دی جن کی مجموعی مالیت 559.766 ارب روپے ہے۔
ان میں سے 3 منصوبے، جن کی مالیت 8.23 ارب روپے ہے، سی ڈی ڈبلیو پی نے منظور کیے ہیں، جبکہ 4 منصوبے، جن کی مالیت 551.536 ارب روپے ہے، مزید غور کے لیے قومی اقتصادی کونسل کی ایگزیکٹو کمیٹی (ایکنک) کو بھیج دیے گئے ہیں۔
اجلاس میں سیکرٹری پلاننگ اویس منظور سمرا، ایڈیشنل سیکرٹری پلاننگ، پلاننگ کمیشن کے ممبران، متعلقہ وفاقی سیکرٹریز اور وفاقی وزارتوں اور صوبائی حکومتوں کے نمائندگان نے شرکت کی۔
اجلاس کے ایجنڈے میں صحت، افرادی قوت، فزیکل پلاننگ و ہاؤسنگ، ٹرانسپورٹ و مواصلات، اور سائنس و ٹیکنالوجی کے شعبوں کے منصوبے شامل تھے۔
