• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک سپورٹس نے شمع پریمیئر لیگ سیزن ٹو جیت لی

میرا شہر
پشاور
19 نومبر ، 2024
پشاور (خصوصی نامہ نگار) ملک سپورٹس نے آئی سی ایم ایس کرکٹ کلب کو 30 رنز سے شکست دیکر شمع پریمیئر لیگ سیزن ٹو جیت لی، شمع ایسوسی ایٹس کے جنرل منیجر ذیشان حمید نے کھلاڑیوں میں انعامات تقسیم کئے، فرسٹ کلاس کرکٹر حماد الحسن، آرگنائزنگ سیکرٹری حنیف شاہ، ملک سپورٹس کے ایم ڈی ملک فرمان بھی موجود تھے۔ فائنل میں ملک سپورٹس نے پہلے بیٹنگ کرتے ہوئے مقررہ 20 اوورز میں 172 رنز بنائے, زین 47، یوسف 32 اور عبد ﷲ 40 رنز کے ساتھ نمایاں رہے۔ آئی سی ایم ایس کی جانب سے مبین نے ایک، جبران اور وقار نے دو دو کھلاڑیوں کو آؤٹ کیا۔ جواب میں آئی سی ایم کی ٹیم نے 143 رنز بنائے، منصور 35، عدنان 20 اور زین 22 رنز کے ساتھ نمایاں رہے۔ ملک سپورٹس کی طرف سے علی امتیاز نے چار، تنویر نے دو، وصال اور عرفان نے ایک ایک کھلاڑی کو آؤٹ کیا۔ لیگ میں 17 ٹیموں نے حصہ لیا۔
پشاور سے مزید