• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2 گاڑیاں، 14 موٹر سائیکلیں چوری 2 چھین لئے گئے، گن پوائنٹ پر سٹریٹ کرائم

میرا شہر
اسلام آباد
19 نومبر ، 2024
راولپنڈی، راولپنڈی (سٹاف رپورٹر، خصوصی نامہ نگار) راولپنڈی کے مختلف علاقوں میں شہری 10موٹرسائیکلوں ،طلائی زیورات ،موبائل فونز اور نقدی وغیرہ سے محروم ہوگئے ،10افرادسے جھپٹا مار کران کے موبائل چھین لئے گئے۔اسلام آباد میں بھی 12 وارداتوں میں لاکھوں روپے کی نقدی زیورات اور دیگر قیمتی سامان کے علاوہ 2 کاریں 6 موٹر سائیکل اڑا لئے گئے ۔تھانہ نون اور کرپا کے علاقے سے موٹر سائیکل، تھانہ آبپارہ اور شمس کالونی کے علاقے سے دو موبائل فون اور نقدی اسلحہ کی نوک پر چھین لی گئی ۔ تھانہ کورال اور گولڑہ کے علاقے میں دو گھروں کے تالے ٹوٹ گئے اور چور جمع پونجی لے کر چلتے بنے۔ تھانہ نیوٹاؤن کے علاقہ کٹاریاں میں 2موٹرسائیکل سوار محمد رمضان سےموبائل ،تھانہ صادق آباد کے علاقہ صادق آباد میں2نامعلوم ملزمان احمد حسن کے دوست سے موبائل، صادق آبادمیں 3نامعلوم ملزمان فرخ صغیر سے موبائل اور 95ہزار روپے ،تھانہ ریس کورس کے علاقہ میں 2موٹرسائیکل سوار ارشد محمود سے موبائل ،تھانہ صدرواہ کے علاقہ چھاچھی محلہ میں2موٹرسائیکل سوار احسان الہی سے موبائل اور5ہزا روپے چھین کرلے گئے۔وارداتیں اسلحہ کی نوک پر ہوئیں۔ میرج ہال میں حامد باسط کی والدہ کا پرس جس میں موبائل اور 8ہزار روپے تھے ،میر حیدر کالونی میں محمد مزمل کے گھر سے 30ہزار روپے ، ایل سی ڈی اور دیگر سامان ،نیوچاکرہ میں رئیسہ کوثر کے گھر کے تالے توڑ کر موٹر مالیتی 10ہزارروپے ، سونا مالیتی 2لاکھ روپے اور لیپ ٹاپ ،گلستان کالونی میں محمد ادریس کے بیڈ روم کی کھڑکی توڑ کر لیپ ٹاپ، پسٹل ،ریوالور اور گھڑیاں مالیتی اڑھائی لاکھ روپے ،ریلوے سکیم میں محمد شعیب کے گھرسے تالے توڑ کر3لاکھ روپے سونا مالیتی 6لاکھ روپے اورسوٹ مالیتی 30 ہزار روپے،اڈیالہ روڈ پر محسن عباس کے کال سنٹر 15 لیپ ٹاپ اور ایک لاکھ 60ہزار روپے ،سعید ٹاؤن میں محمد علی کے ڈیرے سے گائے مالیتی 6 لاکھ روپے چوری ہو گئی۔
اسلام آباد سے مزید