فرمان الہی
نماز کے اوقات
کراچی (اسٹاف رپورٹر ) قائد آباد کے علاقے اسپتال چورنگی کے قریب جھگڑے کے دوران 51سالہ محمد نواز ولد روزی خان جاں بحق ہوگیا ،ریسکیو حکام کے مطابق مقتول ڈنڈو ں کے وارسے ہلاک ہوا ، پولیس کے مطابق متوفی کی اپنے بھائی سے ہاتھا پائی ہورہی تھی اس دوران اسکو دل کو دورہ پڑا جسے اسپتال منتقل کیا جارہا تھا کہ راستے میں وہ دم توڑ گیا ، نارتھ ناظم آباد بلاک ایل میں پیر اور منگل کی شب تشدد کے واقعہ میں 48 سالہ محبوب جاں بحق ہو گیا ،پولیس کے مطابق متوفی رکشا ڈرائیور ایک فیملی کو شادی ہال لیکر آیا اور پارکنگ کے لیے جگہ نہیں ملی تو وہ اپارٹمنٹ کے سامنے رکشا پارک کرنے لگا،اس دوران اپارٹمنٹ کے چوکیدار اور متوفی کے درمیان جھگڑا ہوا ،چوکیدار نے محبوب کو دھکا دیا جس کے باعث وہ گر گیا واپس اٹھا تو چوکیدار نے اس کے سینے پر مکا مارا جس کے نتیجے میں وہ جاں بحق ہو گیا، پولیس نے ملزم ولید خان کو گرفتار کر لیا ہے،دریں اثنا میمن گوٹھ میں فارم ہاوس میں فائرنگ کےواقعے میں گارڈ محبوب علی زخمی ہوگیا ،پولیس نے بتایاکہ زخمی اپنی رائفل صاف کررہا تھا کہ گولی ا سکے پاؤں پر لگ گئی۔
