فرمان الہی
نماز کے اوقات
اسلام آباد(نمائندہ جنگ)پاک فوج کے شعبہ تعلقات عامہ (آئی ایس پی آر) کے مطابق گزشتہ روز خیبرپختونخوا کے ضلع بنوں کے علاقے مالی خیل میں سکیورٹی فورسز کی چیک پوسٹ پر حملے میں پاک فوج کے 12جوان شہید ہوئے، سکیورٹی فورسز کی جوابی فائرنگ میں 6خوارج ہلاک ہوگئے۔ شہدا ءمیں پاک فوج کے10جوان،ایف سی کے2اہلکار شامل، علاقے میں کلیئرنس آپریشن جاری ، گھناؤنے فعل کے مرتکب افراد کو انصاف کے کٹہرے میں لائینگے ، سکیورٹی فورسز کے جوانوں نے خوارج کی چیک پوسٹ میں داخل ہونے کی کوشش ناکام بنادی۔آئی ایس پی آر کے مطابق خوارج نےبارود سے بھری گاڑی چیک پوسٹ کی دیوار سے ٹکرا دی، خودکش دھماکے کے نتیجے میں دیوار کا ایک حصہ گر گیا اور ارد گرد کا انفرا اسٹرکچر بھی متاثر ہوگیا، شہدا ءمیں10پاک فوج کے جوان اور فرنٹیئر کانسٹیبلری (ایف سی) کے2اہلکار شامل ہیں، شہید ہونیوالوں میں گوجرانوالہ کے صوبیدار عمران احمد فاروقی سرگودھا کے حوالدار محمد جاوید، ایبٹ آباد کے نائیک طہماس احمد، ہری پورکے نائیک باسط فرید شامل ہیں۔
