• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سٹریٹ کرائم، چوری کی متعدد وارداتیں، شہری زیورات، نقدی سے محروم

میرا شہر
اسلام آباد
26 نومبر ، 2024
راولپنڈی (سٹاف رپورٹر)راولپنڈی کے مختلف علاقوں میں سرقہ باالجبر ،چوری ،قفل شکنی اور راہ زنی کی وارداتوں میں شہری ایک گاڑی 5موٹرسائیکلوں ،طلائی زیورات ،موبائل فونز اور نقدی وغیرہ سے محروم ہوگئے ۔تھانہ ائرپورٹ کے علاقہ ڈھوک گنگال میں2موٹرسائیکل سوار عبد الولی سے موبائل ،تھانہ صدرواہ کے علاقہ کوہستان انکلیومیں 2 موٹرسائیکل سوار عاطف محمود کی دکان سے 2موبائل اور13ہزار روپے ، مالاکنڈ سٹاپ کے قریب محمد عبد الباری کی دکان سے 2نامعلوم موٹر سائیکل سوار 2موبائل اور35ہزار روپے چھین کر لے گئے ۔وارداتیں اسلحہ کی نوک پر ہوئیں ۔تھانہ نصیرآباد کے علاقہ قبرستان چوک میں علی وزیر کی کار گھر کے باہر سے چوری ہو گئی ۔ تھانہ دھمیال کے علاقہ قائد اعظم کالونی میں نامعلوم ملزم بائیکیا رائیڈر محمد اعجاز کی جیب سے موبائل نکال کر ،گنج منڈی روڈ پرنامعلوم موٹرسائیکل سوار عطاء اللہ سے موبائل ،تلسہ روڈ پر2موٹرسائیکل سوار خالد محمود سے زبر دستی 2موبائل چھین کرلے گئے ۔ تھانہ وارث خان کے علاقہ میں امیر نواز کی جیب سے موبائل،النور کالونی میں آفتاب طاہر کاموبائل ،بنارس کالونی میں اظہرہ بی بی کاموبائل،تھانہ صدرواہ کے علاقہ عزیز پور میں محمد طاہر کے گھر سے طلائی زیورات سوا چار تولے ،ایک لاکھ85ہزار روپے موبائل فون اور دیگر گھریلو اشیا،چوری کرلی گئیں۔ دریں اثناءتھانہ سٹی کے علاقہ گوالمنڈی سےفوٹو جرنلسٹ فیصل خان کی موٹر سائیکل نمبر آرآئی ایکس 3766 چوری ہوگئی۔
اسلام آباد سے مزید