• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آٹھ مقام جیپ کھائی میں گرنے سے 3 افراد جاں بحق، 9 زخمی

آج کا اخبار
اہم خبریں
27 نومبر ، 2024
آٹھ مقام(نمائندہ جنگ)آزادکشمیرکے ضلع آٹھ مقام کے زیریں علاقہ میں مسافر جیپ حادثہ کا شکار ہو گئی ہے جورا سے سوسل کی طرف جانے والی مسافر جیپ گہری کھائی میں گرنے سے تین افراد جاں بحق 9 افراد زخمی ہو گئے ہیں ۔ایس ڈی ایم کے مطابق حادثہ شام گئے ایک مقامی سڑک پر پیش آیا ہے سڑک کہ خستہ حالی کے باعث مسافر جیپ گہری کھائی میں جا گری ہے جس سے تین افرادکی ڈیڈ باڈیز اور 09زخمیوں کو ملٹری ہسپتال میں منتقل کیا گیا ہے۔تین زخمیوں کی حالت تشویشناک بتائی جا رہی ہے جنھیں ابتدائی طبی امداد کے بعدسی ایم ایچ مظفرآبادریفر کر دیا گیا ہے۔اسٹیٹ ڈیزاسٹر نیلم کے انچارج محمداخترایوب کے مطابق مطابق تین افراد جاں بحق ہوئے جن میں گوہر علی ولد کرامت شاہ، انصر بی بی زوجہ عبدالحمید،مجاہد شاہ ولد امداد شاہ اور پانچ زخمی ہیں جن میں سے تین کی حالت نازک ہے۔شدید زخمیوں میں سید رفیق شاہ ولد سید منور شاہ،چوہدری محمد اشرف چوہدری عبدالحمید مافیہ کاظمی دختر آصف حسین شاہ ہیں ۔ایمرجنسی ریسکیو سروسز 1122 اور محکمہ صحت عامہ کی ایمبولینسز معہ عملہ نے امدادی کاروائیوں میں حصہ لیاہے ۔
اہم خبریں سے مزید