فرمان الہی
نماز کے اوقات
چئیرمین پاکستان کرکٹ بورڈ (پی سی بی) محسن نقوی نے اپ گریڈیشن کے بعد ایل سی سی اے کے پویلین کا افتتاح کر دیا۔
چئیرمین پی سی بی نے لاہور ریجن کرکٹ ایسوسی ایشن کی اسپورٹس شاپ کا بھی افتتاح کیا۔
چئیرمین پی سی بی محسن نقوی نے کرکٹ ایسوسی ایشن کے اپ گریڈڈ پویلین کا دورہ کیا اور اپ گریڈیشن کے معیاری کام کو سراہتے ہوئے صدر لاہور ریجن کرکٹ ایسوسی ایشن کے صدر خواجہ ندیم اور ان کی ٹیم کو مبارکباد دی۔
محسن نقوی نے کھلاڑیوں کے لئے پویلین اور ڈریسنگ رومز میں فراہم کردہ سہولتوں کا بھی جائزہ لیا اور پویلین و ڈریسنگ رومز میں کھلاڑیوں کےلئے معیاری سہولتوں کی تعریف کی۔
چئیرمین پی سی بی محسن نقوی نے اسپورٹس شاپ تک رسائی آسان بنانے کی ہدایت کرتے ہوئے کہا کہ اسپورٹس شاپ کے لئے داخلہ مین روڈ سے رکھا جائے تاکہ لوگ آسانی سے شاپنگ کر سکیں۔
محسن نقوی نے کہا کہ مختصر مدت میں پویلین اور ڈریسنگ رومز کی تزئین و آرائش کی گئی ہے اور کھلاڑیوں کےلئے سہولتوں کو بہتر بنایا گیا ہے۔
ایڈوائزر عامر میر، چیف آپریٹنگ آفیسر سمیر احمد، صدر لاہور ریجن کرکٹ ایسوسی ایشن خواجہ ندیم، ڈائریکٹرز ہائی پرفارمنس سینٹرز، ایچ آر، انفرااسٹرکچر اور متعلقہ حکام بھی اس موقع پر موجود تھے۔
