فرمان الہی
نماز کے اوقات
وفاقی وزیرِ داخلہ محسن نقوی سے تحریکِ انصاف پارلیمنٹرین کے بانی پرویز خٹک نے ملاقات کی ہے۔
ملاقات میں باہمی دلچسپی کے امور، ملک کی مجموعی صورتِ حال اور سیاسی امور پر تبادلۂ خیال کیا گیا۔
دونوں رہنماؤں نے ملاقات میں خیبر پختون خوا میں امن و امان کے قیام سے متعلق اقدامات پر گفتگو کی اور ملک کی ترقی میں رکاوٹیں ڈالنے والے عناصر کا ڈٹ کر مقابلہ کرنے کے عزم کا اعادہ کیا۔
پرویز خٹک نے اسلام آباد میں احتجاج کے دوران شر پسندوں کے حملے میں پولیس اور رینجرز اہلکاروں کی شہادت پر گہرے دکھ اور افسوس کا اظہار کیا۔
اس موقع پر گفتگو کرتے ہوئے محسن نقوی نے کہا کہ پاکستان ہم سب کا ہے اور سب نے مل کر اسے آگے لے کر جانا ہے، عوام صرف اپنے مسائل کا حل چاہتے ہیں۔
محسن نقوی کا یہ بھی کہنا ہے کہ پاکستان کا مستقبل تابناک ہے جسے دنیا کی کوئی طاقت ترقی سے نہیں روک سکتی۔
