• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سنی جمعیت عوام برطانیہ کے زیر اہتمام حق چار یار کانفرنس کل ہوگی

آج کا اخبار
یورپ سے
21 دسمبر ، 2024
بریڈفورڈ (محمد رجاسب مغل )سنی جمعیت عوام برطانیہ کے زیر اہتمام 24ویں انٹرنیشنل حق چار یار کانفرنس 22دسمبر بروز اتوار فاطمیہ کالج بریڈفورڈ میں منعقد ہوگی حجۃ الاسلام پیر سید محمد عرفان شاہ مشہدی کی زیر صدارت اور پیر سید ازکٰی جلال الدین مشہدی کی زیر نگرانی ہونے والی کانفرنس میں برطانیہ اور پاکستان کے علماء کرام ،قراء اور نعت خوانوں کی بڑی تعداد شرکت کرے گی ۔اس موقع پر پیر سید محمد عرفان شاہ مشہدی نے پاکستان سے برطانیہ پہنچنے پر روزنامہ جنگ لندن سے خصوصی گفتگو کرتے ہوئے کہا کہ خلفائے راشدینؓ کی زندگیاں نہ صرف مسلمانوں بلکہ دنیا بھر کے انسانوں کے لیے رہنمائی کا ذریعہ ہیں۔ ان کی قربانیاں، سچائی، عدل اور حکمت آج بھی ہمارے لیے نمونہ ہیں۔ ضروری ہے کہ ہم خلفائے راشدینؓ کی عظیم مثالی زندگیوں کو اپنی نوجوان نسل تک پہنچائیں تاکہ وہ صحابہ کرام رضوان اللہ اجمعین کے کردار کو مشعل راہ بنا کر اسلام کے حقیقی سفیر کے طور پر اپنے آپ کو پیش کر سکیں ۔
یورپ سے سے مزید