• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زیادتی کے مجرم کو کم سے کم 25 سال قید، 10 لاکھ روپے جرمانے کی سزا

آج کا اخبار
اہم خبریں
23 جنوری ، 2025
اسلام آباد( ایوب ناصر) سینیٹ قائمہ کمیٹی برائے داخلہ نے زیادتی کے مجرم کو کم سے کم 25 سال قید اور کم سے کم 10 لاکھ روپے جرمانہ کی سزا کی منظوری دے دی ہے اور عصمت دری کے متاثرین کیساتھ معاشرتی ظلم پراظہار تشویش کیا ،سینیٹر ثمینہ ممتاز زہری کی زیر صدارت اجلاس میں سینیٹر محسن عزیز کی جانب سے پیش کردہ "پاکستان پینل کوڈ ترمیمی بل، 2024" پر بحث کی گئی۔ جس میں ریپ کی سزا "سزائے موت یا طبی موت تک قید کی سزا تجویز کی گئی تھی ، سینیٹر محسن عزیز نے متاثرین پر جنسی حملوں کے تباہ کن اثرات کا حوالہ دیتے ہوئے مجوزہ ترمیم کی اہمیت اجاگر کی ، سینیٹر ثمینہ ممتاز زہری نے عصمت دری کے متاثرین کے ساتھ ہونے والے معاشرتی ظلم پر تشویش کا اظہار کیا۔انہوں نے چیف کمشنر اسلام آباد کیپیٹل ٹیریٹری اعتراض پر تنقید کی، جس میں کہا گیا تھا، زیر دفعہ 376 "سب سیکشن (3) میں موجودہ سزا کافی ہے۔ کمیٹی نے بل کے حوالے سے صوبائی موقف پر مزید غور کیا۔
اہم خبریں سے مزید