فرمان الہی
نماز کے اوقات
خیبرپختونخوا کے وزیرِ اعلیٰ علی امین گنڈاپور کا کہنا ہے کہ ہیلی ایمبولینس سروس کا منصوبہ تکمیل کے آخری مراحل میں ہے۔
علی امین گنڈاپور نے اپنے بیان میں کہا ہے کہ وزیرِ اعلیٰ کے ہیلی کاپٹر کو ایمبولینس سروس کے طور پر استعمال کیا جائے گا، چیف سیکریٹری کے پی کی سربراہی میں فرضی و تربیتی مشقیں جاری ہیں۔
اُنہوں نے کہا کہ ہیلی کاپٹر میں مریضوں کی منتقلی کے لیے اسٹریچرز نصب کیے جائیں گے۔
وزیرِ اعلیٰ کے پی نے بتایا کہ ہیلی ایمبولینس سروس میں مزید تبدیلیوں کو حتمی شکل دینے کے احکامات جاری کیے ہیں۔
اُنہوں نے کہا کہ دور دراز کے علاقوں سے مریضوں اور زخمیوں کو ہیلی ایمبولینس کے ذریعے اسپتال منتقل کیا جائے گا۔
علی امین گنڈاپور نے مزید بتایا کہ کرم مسئلے کے زخمیوں اور مریضوں کو وزیرِ اعلیٰ کے ہیلی کاپٹر کے ذریعے پشاور منتقل کیا گیا تھا۔
