فرمان الہی
نماز کے اوقات
غزہ جنگ بندی معاہدے کے تحت قیدیوں کے دوسرے تبادلے میں اسرائیل کی دو جیلوں سے 200 فلسطینی قیدیوں کو رہا کردیا گیا۔
اسرائیلی جیل سے رہائی پانیوالے فلسطینیوں کو لے کر تین بسیں رام اللّٰہ پہنچ گئیں، جہاں ان کا پرتپاک استقبال کیا گیا۔
عرب میڈیا کے مطابق 16 فلسطینی قیدیوں کو رہائی کے بعد غزہ پٹی پہنچایا گیا، جنہیں غزہ کے جنوبی علاقے خان یونس میں غزہ اسپتال منتقل کیا گیا۔
مقبوضہ مغربی کنارے کے شہر رام اللّٰہ میں رہا ہونے والے فلسطینی قیدیوں کا عوام نے زبردست استقبال کیا، اسرائیلی جیلوں سے رہائی پانیوالے قیدیوں کو لوگوں نے کندھوں پر بٹھایا ہوا تھا، اس دوران شہری بڑی تعداد میں فلسطینی پرچم لہراتے اور فتح کے نشان بناتے نظر آئے۔
اس سے قبل حماس نے مزید چار یرغمالی خواتین کو رہا کیا، چاروں خواتین کا تعلق اسرائیلی فوج سے ہے۔
دوسری جانب اسرائیلی فوج کا مقبوضہ مٖغربی کنارے کے شہر جنین میں فوجی آپریشن جاری ہے، پانچ روز میں 14 فلسطینی شہید، تین ہزار فلسطینی خاندان جبری بے دخل کر دیے گئے۔
