فرمان الہی
نماز کے اوقات
بلدیہ عظمیٰ کراچی کی جانب سے براہِ راست ٹھیکے دیے جانے کے خلاف درخواست کی سماعت کے دوران سندھ ہائی کورٹ نے اپوزیشن لیڈر سٹی کونسل کی فریق بننے کی درخواست مسترد کر دی ہے۔
سندھ ہائی کورٹ میں براہِ راست ٹھیکے دیے جانے کے خلاف درخواست یونائٹیڈ فرینڈز کنٹریکٹرز ایسوسی ایشن نے دائر کر رکھی ہے۔
سٹی کونسل میں اپوزیشن لیڈر سیف الدین کے فریق بننے کی درخواست پر سماعت کے دوران اُن کے وکیل عثمان فاروق ایڈوو کیٹ نے کہا کہ عوامی مسئلے کے پیشِ نظر اپوزیشن لیڈر درخواست میں فریق بن کر دستاویز فراہم کرنا چاہتےہیں، کے ایم سی نے اپنے جواب میں 2 ارب روپے جاری کرنے کا اعتراف کیا ہے۔
سماعت کے دوران چیف جسٹس نے کہا کہ یہ درخواست براہِ راست ورک آرڈرز جاری کرنے کے خلاف ہے، اس نکتے پر مطمئن کریں اور اس کام کے لیے درخواست گزار کے وکیل اور سرکاری مشینری موجود ہے۔
عدالت نے اپوزیشن لیڈر سٹی کونسل کی فریق بننے کی درخواست مسترد کرتے ہوئے کیس کی مزید سماعت 3 فروری تک ملتوی کر دی۔
