فرمان الہی
نماز کے اوقات
بریڈفورڈ: بریڈفورڈ میں ایک شخص پر خاتون پر چاقو کے حملے کے الزام میں اقدام قتل کا مقدمہ درج کیا گیا ہے۔ پولیس کے مطابق، پیر کی صبح تقریباً 2:40 بجے ہوم وڈ کے علاقے میں ایک واقعے کی اطلاع ملی، جس میں ایک 23 سالہ خاتون کو شدید زخم آئے۔
خاتون کو فوری طور پر اسپتال منتقل کیا گیا، جہاں بتایا گیا کہ اس کی حالت سنگین ہے لیکن جان لیوا نہیں۔ پولیس نے 22 سالہ حسنین شفیق کو اقدام قتل کے شبہ میں گرفتار کیا۔
آج صبح حسنین شفیق کو بریڈفورڈ مجسٹریٹ کورٹ میں پیش کیا گیا، جہاں کیس کراؤن کورٹ منتقل کر دیا گیا۔
ملزم کو اگلی سماعت تک حراست میں رکھا جائے گا، جو 26 فروری کو صبح 10 بجے بریڈفورڈ کراؤن کورٹ میں ہوگی واقعہ کے حوالے سے ملزم کی جانب سے تا حال کوئی بیان یا درخواست جمع نہیں کروائی گئی۔
