فرمان الہی
نماز کے اوقات
کراچی (اسٹاف رپورٹر) وفاقی اردو یونیورسٹی کا پانچواں کانووکیشن گورنر ہاؤس کراچی میں سجا ، جس میں 37 مختلف شعبہ جات کے 231 طلباء میں 97 گولڈ ، 18 سلور اور 12 برونز کے میڈلز اور اسناد تفویض کی گئیں ۔ مہمان خصوصی گورنرسندھ کامران خان ٹیسوری نے کانووکیشن سے خطاب میں کہا کہ تمام فارغ التحصیل طلباء کو مبارک باد دیتا ہوں آج فخر اور خوشی کا دن ہے کہ ہم سب طلبہ کی کامیابیوں کا خیر مقدم کررہے ہیں یہ تقریب جامعہ اردوکی تاریخ میں ایک اہم سنگ میل کی حیثیت رکھتی ہے ۔ کامیاب طلباء نے آج اپنی زندگی کا اہم مرحلہ مکمل کرلیا یہ کامیابی، علم حاصل کرنے کی لگن و جستجو اور استقامت کا نتیجہ ہے۔ مجھے یقین ہے کہ آپ سب اپنی جامعہ کا نام روشن کریں گے ۔ میرے علم میں ہے کہ وفاقی اردو یونیورسٹی ا س وقت مختلف مسائل کا شکار ہے ۔وفاقی وزیر تعلیم خالد مقبول صدیقی نے کہا فارغ التحصیل طلبہ کو مبارکباد پیش کرتا ہوں گولڈ میڈل حاصل کرنے طلبہ اور ان کے والدین مبارکباد کے مستحق ہیں .وفاقی وزیر تعلیم خالد مقبول صدیقی نے اپنے خطاب میں کہا کہ سر سید احمد خان نے ایک کالج بنایا یہ کالج ترقی کر کے علی گڑھ یونیورسٹی میں تبدیل ہو گیا علی گڑھ یونیورسٹی پاکستان بنانے کی ایک ضرورت تھی۔
