فرمان الہی
نماز کے اوقات
امریکی شہر لاس اینجلس کے جنگلات میں لگنے والی خوفناک آگ کی وجہ سامنے آگئی۔
ورلڈ ویدرایٹریبیوشن (ڈبلیو ڈبلیو اے) کی جانب سے جاری کردہ تحقیقاتی رپورٹ میں انکشاف کیا گیا ہے کہ شہر لاس اینجلس کے جنگلات میں لگنے والی خوفناک آگ کے اسباب میں اہم عنصر موسمیاتی تبدیلی ہے۔
امریکی اور یورپی سائنسدانوں کی مشترکا تحقیقی رپورٹ میں کہا گیا ہے کہ موسمیاتی تبدیلی کے سبب موسم گرم، خشک رہنے کی وجہ سے آگ لگنے کے امکانات میں 35 فیصد تک اضافہ ہوا ہے۔
ان کا کہنا ہے کہ جنگلات میں لگنے والی آگ بہت پیچیدہ ہے، جن میں متعدد عوامل کردار ادا کرتے ہیں، تاہم موسمیاتی تبدیلی کے سبب بارشوں کی کمی، گرم و خشک موسم جنگلات میں لگنے والی آگ کا مرکزی عنصر بنتا جا رہا ہے۔
رپورٹ کے مطابق لاس اینجلس میں گرم اور خشک آب و ہوا جنگلات میں آگ لگنے کے واقعات کے خطرے کو بڑھا رہی ہیں۔
واضح رہے کہ لاس اینجلس کے جنگلات میں لگنے والی آگ سے 28 افراد ہلاک جبکہ 16 ہزار مکانات کو نقصان پہنچا تھا۔
