فرمان الہی
نماز کے اوقات
لاہور(نمائندہ جنگ)سرکاری دستاویزات میں تحریک انصاف دور میں کروڑوں روپے کی بے ضابطگیاں سامنے آنے کا سلسلہ جاری ہے ملتان ہسپتالوں کیلئے سامان کی غیرقانونی خریداری، ادویات کے256ملین روپے غائب ہونے کاانکشاف ،پنجاب اسمبلی میں جمع کرائی گئی تحریک 2020-21کی آڈٹ رپورٹ میں ملتان کے سرکاری ہسپتالوں میں سامان کی غیر قانونی خریداری کا انکشاف ہوا ہے ، ڈسٹرکٹ ہیلتھ اتھارٹی ملتان نے مالی سال 2020.21 میں ہی 71 ملین روپے کی متفرق سامان کی غیر قانونی خریداری کی، ٹینڈرز بھی جاری نہیں کئے ،سی ای او ڈسٹرکٹ ہیلتھ اتھارٹی ملتان نے 256 ملین روپے جاری ہونے کے باوجود سرکاری ہسپتالوں میں آنے والے نادار مریضوں کیلئے ادویات کی خریدی نہ کی ۔آڈٹ ڈیپارٹمنٹ نے اس سنگین غفلت کی وضاحت کیلئے ڈسٹرکٹ آڈٹ کمیٹی کا اجلاس بلانے کی کئی بار ہدایت جاری کیں ،لیکن ڈسٹرکٹ آڈٹ کمیٹی کا اجلاس ہی نہ بلا یا گیا۔پبلک اکائونٹس کمیٹی نے دونوں کیسز کی تحقیقات شروع کردیں۔
