فرمان الہی
نماز کے اوقات
برطانیہ میں ٹرین میں ایک خاتون کی مسافر کو نسل پرستی کا نشانہ بنانے کی ویڈیو وائرل ہو گئی۔
غیر ملکی میڈیا کے مطابق لندن سے مانچسٹر جانے والی ٹرین میں خاتون نے مرد ڈینٹسٹ کو کہا کہ ’مراکش یا تیونس واپس چلے جاؤ‘۔
میڈیا رپورٹس کے مطابق خاتون نے سامنے بیٹھے مرد مسافر کو پہلے برے انداز میں پیر ہٹانے کے لیے کہا۔
بعد ازاں برطانیہ میں پیدا ہونے والے دانتوں کے ڈاکٹر نے جواب دیا کہ آپ ایسا کیوں کہہ رہی ہیں؟ میں یہیں پیدا ہوا ہوں۔
اس پر خاتون نے کہا کہ کیا آپ یہیں پیدا ہوئے ہیں؟ ایسا نہیں لگتا۔
اس کے بعد مسافر نے بھی خاتون کو سخت لہجے میں جواب دیا کہ میری اس طرح بے عزتی نہیں کریں۔
غیر ملکی میڈیا کے مطابق جب مرد مسافر نے خاتون سے پوچھا کہ آپ کا تعلق کہاں سے ہے تو اس نے جواب دینے سے انکار کیا اور کہا کہ میں آپ سے بات نہیں کرنا چاہتی۔
دوسری جانب برٹش ٹرانسپورٹ پولیس نے بھی پیر کی صبح تقریباً 11 بج کر 45 منٹ پر ایسٹن سے مانچسٹر جانے والی ٹرین میں نسل پرستی کے اس واقعے کی تصدیق کی ہے۔
برٹش ٹرانسپورٹ پولیس کے مطابق اس واقعے کی تفتیش جاری ہے۔
سوشل میڈیا پر یہ ویڈیو سامنے آنے کے بعد خاتون کو تنقید کا نشانہ بنایا جا رہا ہے۔
