فرمان الہی
نماز کے اوقات
سندھ ہائیکورٹ نے 290 ارب روپے کا ٹیکس جمع کروانے سے متعلق مبینہ فراڈ میں ملزم شیراز کی درخواست ضمانت منظور کرلی، عدالت نے ملزم کو 10 لاکھ کے مچلکے جمع کروانے کا حکم دے دیا۔
ملزم نے جس کمپنی کے نام پر ٹیکس جمع کروایا اس نے ٹیکس جمع ہونے کی تردید کی تھی۔
پراسیکیوشن کے مطابق ملزم نے ٹیکس ریٹرن کی مد میں 1 ارب روپے کی واپسی کا کلیم کیا تھا۔
دوران سماعت وفاقی حکومت کے وکیل نے کہا کہ ملزم کے خلاف کسٹم، ٹیکسیشن اور اینٹی اسمگلنگ قانون کے تحت مقدمہ درج ہے۔ ملزم نے ایک آن لائن نجی کمپنی کی آئی ڈی اور پاسورڈ چوری کیا اور اس کے ٹیکس پروفائل کو ٹیمپر کیا، ملزم نے اس کمپنی کے ٹیکس پروفائل پر نئے فون نمبر اور ای میل ایڈریس کا استعمال کیا۔
ایف بی آر کے مطابق موبائل نمبر کی سم ملزم کی بہن کے نام رجسٹرڈ ہے جبکہ ای میل وہ خود استعمال کرتا ہے۔ ملزم نے نومبر 2023 اور جنوری 2024 کے دوران 290 ارب کا سیلز ریٹرن فارم میں دکھایا، ملزم نے دیگر کئی کمپنیز کو خرید و فروخت کی فہرست میں دکھایا ہے۔
پراسیکیوشن کے مطابق ملزم نے جس کمپنی کے نام پر ٹیکس جمع کروایا تھا اس نے ٹیکس جمع ہونے کی تردید کی تھی۔ ملزم نے ٹیکس ریٹرن کی مد میں ایک ارب روپے کی واپسی کا کلیم کیا تھا۔
