فرمان الہی
نماز کے اوقات
پاور ڈویژن نے زرعی ٹیوب ویل اور 300 یونٹ تک کے بجلی صارفین کےلیے بڑی خوشخبری سنادی۔
پاور ڈویژن کے اعلامیے میں زرعی ٹیوب ویل اور 300 یونٹ تک کے بجلی صارفین کو فیول ایڈجسٹمنٹ کی مد میں کمی کا فائدہ دینے کا اعلان کیا گیا ہے۔
اعلامیے کے مطابق زرعی ٹیوب ویل اور 300 یونٹ تک کے بجلی صارفین کے ماہانہ بلوں میں مزید کمی آئے گی۔
پاور ڈویژن اعلامیے کے مطابق نیشنل پاور ریگولیٹری اتھارٹی (نیپرا) کو دونوں میں فیول ایڈجسٹمنٹ میں کمی کا فائدہ صارفین کو دینے کےلیے خط لکھ دیا ہے۔
پاور ڈویژن اعلامیے کے مطابق جون 2015ء سے 300 یونٹ تک بجلی صارفین کو ماہانہ فیول ایڈجسٹمنٹ میں کمی کا فائدہ روک دیا گیا تھا۔
اعلامیے کے مطابق دسمبر2010ء سےزرعی ٹیوب ویل کو ماہانہ فیول ایڈجسٹمنٹ میں کمی ختم کردی گئی تھی۔
