فرمان الہی
نماز کے اوقات
پاکستانی اداکارہ و میزبان عریشہ رضی خان نے سوشل میڈیا پر اپنے مداحوں کو خوشخبری سنادی۔
اداکارہ عریشہ رضی خان ماں بن گئی ہیں، انہوں نے اپنے شوہر کے ہمراہ اپنے گھر ننھے مہمان کو خوش آمدید کہا ہے۔
انہوں نے یہ خوشی کی خبر اپنے انسٹاگرام اکاؤنٹ پر ایک پوسٹ کے ذریعے شیئر کی ہے۔
اداکارہ نے پوسٹ میں اپنے اور شوہر کے ہمراہ بیٹے کے ہاتھ اور پیر کی تصویر پوسٹ کرتے ہوئے لکھا ہے کہ اپنے بچے عبدل دایان کا تعارف کراتے ہوئے ہمارے دل محبت سے بھر گئے ہیں، الحمد للّٰہ، ہماری چھوٹی سی نعمت دنیا میں آگئی ہے اور ہمیں 2 سے 3 افراد پر مشتمل فیملی بنادیا ہے۔
انہوں نے مداحوں سے دعاؤں کی درخواست کرتے ہوئے کہا ہے کہ ہماری زندگی کے نئے اور خوبصورت باب پر ہمیں دعاؤں میں یاد رکھیں۔
عریشہ رضی خان کو اس خوش خبری پر مداحوں کی جانب سے مبارک باد دینے کا سلسلہ جاری ہے۔
واضح رہے کہ عریشہ رضی خان کے نکاح کی خبر تقریباً ڈیڑھ برس بعد جولائی 2022ء میں اس وقت سامنے آئی تھی جب ان کا فوٹوگرافر کے ساتھ تنازع کھڑا ہوگیا تھا۔
عریشہ رضی خان کی گزشتہ سال کے آغاز میں شوہر عبداللّٰہ فرخ کے ساتھ رخصتی ہوئی تھی۔
اس سے قبل یہ جوڑی 3 سال تک نکاح کے بندھن میں رہی تھی۔
