فرمان الہی
نماز کے اوقات
پاکستانی معروف اداکارہ ریشم نے ذاتی لنگر خانہ کھولنے کی خواہش کا اظہار کر دیا۔
اداکارہ نے حال ہی میں ایک نجی نیوز چینل کے لیے انٹرویو دیا۔
ریشم نے اس موقع پر فٹنس سے متعلق پوچھے گئے سال کے جواب میں غموں کو اپنی فٹنس کا راز بتایا۔
اداکارہ کا کہنا ہے کہ میری فٹنس کا راز میرے غم ہیں، بھائی کی وفات کے بعد روٹی میرے گلے سے نہیں اترتی تھی، میں نے 8 سے 9 ماہ صرف چائے اور کیک رسک پر گزارا کیا۔
انہوں نے کہا کہ بھائی کی وفات سے قبل بھی میں انٹرمیٹنٹ فاسٹنگ کر رہی تھی مگر بھائی کے دنیا سے چلے جانے کے بعد 16 گھنٹے کی فاسٹنگ 24 گھنٹے تک بھی چلی جاتی تھی۔
اداکارہ نے بتایا کہ بھائی کی موت کے غم سے نکلی تو بہت قریبی دوست کا انتقال ہو گیا، یکے بعد دیگرے غم ہی میری فٹنس کا راز ہیں۔
اداکارہ نے بڑے پیمانے پر کوکنگ کرنے اور لنگر بانٹنے سے متعلق بھی کھل کر بات کی۔
ریشم نے کہا کہ میری خواہش ہے کہ میں اپنا ذاتی لنگر خانہ کھولوں تاکہ میرے دنیا سے چلے جانے کے بعد میرا لنگر خانہ میرے لیے صدقۂ جاریہ بنے، میں ایک جگہ خرید کر وہاں لنگر خانہ کھولنا چاہتی ہیں۔
اداکارہ نے انٹرویو کے دوران اپنے مداحوں سے بھی اپنی اس خواہش سے متعلق دعا کرنے کی اپیل کی۔
