فرمان الہی
نماز کے اوقات
ایک محتاط اندازے کے مطابق کھجور کم و بیش 6 ہزار سال قبلِ مسیح سے انسانی خوراک کا حصّہ ہے۔
پاکستان سمیت دُنیا کے ہر خطّے میں کھجور بڑی رغبت سے کھائی جاتی ہے، ماہِ رمضان میں کھجور کا استعمال باقی مہینوں کی نسبت زیادہ بڑھ جاتا ہے، خصوصاً افطار کے وقت تو دسترخوان پر کھجور لازماً ہوتی ہے۔
لذّت اور افادیت کے لحاظ سے اِس کی متعدد اقسام ہیں، جبکہ کھجور سے کئی خوش ذائقہ اورغذائیت سے بھرپور پکوان بھی بنائے جاتے ہیں۔
ذیل میں کھجور ہی سے تیار کردہ چند ڈِشز اور اسموتھی کی تراکیب پیش کی جا رہی ہیں۔
اس ڈِش کا تعلق سعودی عرب سے ہے، کھجور کی یہ ڈِش میدے، مکھن، دارچینی، براؤن شوگر، کشمش، سفید تِل اور اخروٹ کی مدد سے تیار کی جاتی ہے اور اِسے سحر و افطار دونوں دسترخوانوں پر سجایا جا سکتا ہے۔
میدہ یا آٹا ڈیڑھ پیالی، نرم کھجور (گٹھلی نکال کر چھوٹے ٹکڑے کر لیں) 1 پیالی، مکھن 4 چمچ، براؤن شوگر 1 پیالی، دارچینی (پسی ہوئی) 1 چمچ، اخروٹ 1/2 پیالی اور کشمش حسبِ ضرورت۔
ایک فرائنگ پین میں مکھن پگھلا کر اس میں اخروٹ ڈال کر ہلکا سا تل لیں، اس کے بعد اس میں آٹا ڈال کر بُھونیں، جب آٹا اچّھی طرح بُھن جائے اور خوش بُو آنے لگے، تو اس میں دارچینی کا پاؤڈر، براؤن شوگر، کھجور اور کشمش ملا کر پکائیں، جب پک جائے تو چُولھا بند کر دیں۔
پھر نیم گرم آمیزہ ہتھیلی پر رکھ کر اس پر سفید تِل ڈالیں اور رول یا کوئی اور پسندیدہ شکل دے دیں۔
یاد رہے کہ یہ سعودی عرب کا مقبول میٹھا پکوان ہے اور یہ ماہِ صیام میں روزے داروں کے لیے توانائی سے بھرپور غذا بھی ہے۔
کھجور 100 گرام، دودھ 1/2 کلو، ٹوٹا چاول 2 کھانے کے چمچ (پانی میں بھیگے ہوئے)، چینی 50 گرام، کیوڑا 1 کھانے کا چمچ۔
سب سے پہلے ایک برتن میں دودھ اور ٹوٹا چاول ڈال کر پکالیں تاکہ چاول گَل جائیں۔
پھر اس میں کھجور، چینی اور کیوڑا ڈال دیں، جب گاڑھا پن آجائے، تو سمجھ لیں کہ آپ کی کھیر تیار ہے۔
اب اس کو ٹھنڈا کر کے سرو کریں۔
چاول 1 کلو، مسور کی دال (دُھلی ہوئی) 1 کپ، پیاز (چھوٹی) 1عدد، تازہ کھجور (بغیر گٹھلی کے) 250 گرام، خشک خوبانیاں 250 گرام، بادام (چھلکے اُترے ہوئے) 1 کپ، کشمش 1 کپ، مکھن ڈیڑھ کپ، گرم پانی 1 کپ۔
سب سے پہلے نمک ملے پانی میں چاول ابال لیں۔
پھر دال کو نمک میں ملا کر اتنا پانی ڈال کر پکائیں کہ گل جائے، مگر بالکل نرم نہ ہو۔
1 کپ مکھن کو 1 کپ گرم پانی میں ڈال کر پگھلا لیں اور بقیہ مکھن سوس پین میں گرم کر کے اس میں پیاز ڈال کر فرائی کریں۔
پیاز کا رنگ بادامی ہو جائے تو اس میں کھجوریں، خوبانیاں، کشمش اور بادام کی گِریاں ڈال کر بھونیں اور مکھن ملے پانی کا 1/2 حصّہ ایک اوون پروف بڑے پیالے میں ڈالیں۔
اوپر پکے ہوئے چاولوں کی ایک تہہ ڈال کر کھجوروں والے مرکب کی ایک تہہ لگائیں۔
اس کے بعد دال کی ایک تہہ لگا کر دوبارہ چاول، کھجوریں اور آخر میں بقیہ مکھن ملے پانی کو اوپر چھڑک کے ڈھکن بند کر کے تقریباً 1 گھنٹے تک ہلکی آنچ پر دَم دیں۔
کُھلے منہ کے دیگچے میں دَم دے کر ڈش میں نکال کر سرو کریں۔
کھجور 10 اونس، کریم 2 اونس، چاکلیٹ 4 اونس، بادام 2 اونس (ثابت، چھلکے اترے ہوئے)۔
کریم کو ہلکی آنچ پر گرم کریں اور چولھے سے ہٹا کر اس میں چاکلیٹ شامل کر کے مکس کریں، یہاں تک کہ چاکلیٹ پگھل جائے۔
اِسے ٹھنڈا اور گاڑھا ہونے کے لیے ایک طرف رکھ دیں، پھر کھجور کاٹ کر اُس میں سے گُٹھلی نکال دیں۔
اب چاکلیٹ کے مکسچر کو پائپنگ بیگ میں ڈال کر کھجور میں بَھریں، پھر اوپر بادام رکھیں اور فریج میں رکھ کر ٹھنڈا کر کے سرو کریں۔
