فرمان الہی
نماز کے اوقات
بالی ووڈ کے سینئر اداکار دھرمیندر نے مداحوں کو تشویش میں مبتلا کر دیا۔
دھرمیندر نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کی ہے جس میں وہ کافی فکر مند نظر آ رہے ہیں۔
اُنہوں نے اپنی یہ تصویر شیئر کرتے ہوئے کیپشن میں لکھا ہے کہ دوریاں دلوں میں بڑھتی ہی جا رہی ہیں۔
اداکار نے سوالیہ انداز میں مزید لکھا کہ کب ملے گا چھٹکارا ان غلط فہمیوں سے۔
دھرمیندر کی یہ پوسٹ دیکھ کر ان کے مداح پریشانی کا اظہار کرتے ہوئے اُن کا حوصلہ بڑھاتے ہوئے نظر آئے۔
ایک صارف نے لکھا کہ زندگی کی ستم ظریفی یہ ہے کہ اچھے دلوں کو اکثر غلط ہی سمجھا جاتا ہے۔
ایک اور صارف نے لکھا کہ سر آپ ہمیشہ ہنستے مسکراتے رہیں اور آپ کو کسی کی نظر نہ لگے۔
