فرمان الہی
نماز کے اوقات
کراچی( اسٹاف رپورٹر )کورنگی پولیس نے پولیس یونیفارم پہن کر اغواء اور ڈکیتی میں ملوث گینگ کے علی عمران شیخ، وقار ، دھیرج اور فرزوق شاہ کو گرفتار کرکے اسلحہ برآمد کرلیا ،پولیس کے مطابق ملزمان نے 6 جنوری کو زمان ٹاؤن میں 16 لاکھ روپے کی ڈکیتی کی تھی،ملزمان نے سال 2021 عیدگاہ کی حدود میں مندر پر فائرنگ کر کے پانچ لاکھ بھتہ وصول کیا ، 8 اگست 2024 کو تاجر سلمان بٹ کو اغوا کیا ،،مغوی کو حبس بے جا میں رکھ کر 10 لاکھ روپے تاوان وصول کیا تھا،اسی سال ہندو شخص کے آئی ٹی سینٹر میں نقب زنی کی واردات کی ،شہری کو تین لاکھ روپے وصول کرنے کے بعد چھوڑ دیا گیا تھا ، شنکر نانی شخص کو بلیک میل کر کے ملزمان نے دو لاکھ روپے وصول کیے ۔نومبر 2024چکرا گوٹھ گیمنگ شاپ میں ملزمان حساس ادارے کا اہلکار ظاہر کر کے داخل ہوئے ،بابر نامی ملازم کو اغوا کیا اور ایک دن حبس بے جا رکھنے کے بعد چھوڑ دیا ،پولیس کا دعویٰ ہے کہ گرفتار ملزمان 2025کی سب سے بڑی واردات کی منصوبہ بندی کر رہے تھے ،ملزمان نے انکشاف کیا کہ ان کی ٹیم کی تیاری مکمل تھی،گرفتار ملزمان نے کراچی کے مختلف علاقوں میں وارداتوں کا بھی انکشاف کیا ہے۔
