فرمان الہی
نماز کے اوقات
ایپل نے آئی فون اور آئی پیڈ میں سیکیورٹی کے سنگین خطرات کی اطلاع سامنے آنے کے بعد صارفین کو خبردار کر دیا۔
کمپنی نے اپنے صارفین سے سیکیورٹی خدشات کو مدِ نظر رکھتے ہوئے نیا آئی او ایس پیچ (latest iOS patch) ڈاؤن لوڈ کرنے کی اپیل کی ہے۔
کمپنی کا اپنے بیان میں کہنا ہے کہ اس اپیل کا مقصد صارفین کو ایک انتہائی نفیس سائبر حملے سے بچانا ہے۔
کمپنی بیان میں مزید بتایا گیا ہے کہ سفاری اور آئی فون یا آئی پیڈ کے لیے بنائے گئے دیگر تمام انٹرنیٹ براؤزرز میں استعمال ہونے والے براؤزر انجن میں ایک خامی کی شناخت ہوئی ہے جسےCVE-2025-24201 کہا جاتا ہے۔
کمپنی نے بیان میں یہ بھی بتایا ہے کہ ہیکرز نے اس خامی کو ایک کھلے دروازے کی طرح استعمال کیا، اُنہوں نے ایسی ویب سائٹس تخلیق کیں جو انہیں بہت آسانی سے صارفین کے ویب براؤزر تک رسائی فراہم کر سکتی ہیں۔
