فرمان الہی
نماز کے اوقات
ناگپور(این این آئی) بھارت میں واقع شہنشاہ اورنگزیب کامقبرہ گرانے کیلئے انتہا پسندوں کی جانب سے مظاہرے کیے گئے جس کے بعد شہر میں ہنگامے پھوٹ پڑے۔ عرب ٹی وی کے مطابق گزشتہ روز بھارتی ریاست مہاراشٹرا کے شہر ناگپور میں مغل شہنشاہ اورنگزیب کا مقبرہ گرانے کیلیے مظاہرے کیے گئے جس سے شہر میں ہندو مسلم کشیدگی پھیل گئی۔ ناگپو ر شہر میں کئی گاڑیاں جلادی گئیں، مکانوں پر پتھراو کیا گیا جس سےکئی افراد زخمی ہوگئے جب کہ پولیس نے 20 افراد کو حراست میں لے لیا اور علاقے میں دفعہ 144بھی نافذ کردی۔کانگریس کے رہنما ہرش وردن نےفسادات کا ذمہ دار ریاستی حکومت کو قرار دیتے ہوئے کہا کہ کئی روز سےریاستی وزرا اشتعال انگیزی اور لوگوں کواکسانے والی تقاریرکررہے تھے۔
