فرمان الہی
نماز کے اوقات
معروف اداکار عمیر رانا کا مولانا آزاد جمیل کے بجلی وظیفے پر دلچسپ اور طنزیہ تبصرہ انٹرنیٹ پر وائرل ہوگیا۔
پاکستان کے مشہور عالم مولانا آزاد جمیل حال ہی میں نجی ٹی وی کی رمضان ٹرانسمیشن میں شرکت کے بعد کافی مقبول ہو رہے ہیں، ان کا منفرد اندازِ بیان، شوخ لباس اور جذباتی حرکات نے ناظرین کی توجہ حاصل کرلی ہے۔
چند روز قبل مولانا آزاد جمیل نے بجلی کے بل کم کرنے کے لیے ایک خاص وظیفہ بتایا تھا، جس کے بارے میں ان کا کہنا ہے کہ یہ 100 فیصد مؤثر ہے اور کئی لوگوں نے اس کی برکت سے بجلی کا بل کم حاصل کیا ہے۔
یہ وظیفہ سوشل میڈیا پر وائرل ہو گیا اور کئی صارفین نے اس پر طنزیہ تبصرے کیے۔
عمیر رانا نے بھی اس معاملے پر اپنے طنزیہ تبصرے میں کہا کہ مولانا صاحب نے فرمایا کہ شہادت کی انگلی بجلی کے میٹر پر رکھ کر زم زم پڑھیں، تو بل کم ہو جائے گا، میں بھی ایسا ہی ایک وظیفہ جانتا ہوں، پہلے میں اسے شیئر کرنے میں ہچکچا رہا تھا لیکن اب کر دیتا ہوں، آپ اُٹھیں بجلی کے بورڈ کے پاس جائیں، انگلی بٹن پر رکھیں اور اضافی بلب اور پنکھے بند کر دیں، اس عمل کو بار بار دہرائیں، ان شاء اللّٰہ بل میں واضح کمی دیکھیں گے!
عمیر رانا کی اس مزاحیہ ویڈیو سے سوشل میڈیا صارفین خوب محظوظ ہو رہے ہیں۔
