فرمان الہی
نماز کے اوقات
کراچی (اسد ابن حسن) بھارت کی حال ہی میں پرائیویٹائز ہونے والی ایئر لائن، ایئر انڈیا کی پرواز میں کیبن کریو بزنس کلاس میں سوگئے، مسافر رلتے رہے، 12ہزار کلومیٹر اور 18گھنٹے سے زائد کی مدت کی ایئر انڈیا کی فلائٹ جو کہ دہلی سے شکاگو جا رہی تھی میں تمام کیبن کریو ایک ہی وقت میں سوگئےجس سے صورتحال خراب ہوگئی ۔ مسافروں نے شکایت کی کہ دوران پرواز کیبن کریو نے سروس دینا بند کر دی اور جب مسافروں نے خود کریو کی تلاش شروع کی تو حیرت انگیز انکشاف ہوا کہ کیبن کریو مزے سے خراٹوں بھری نیند بزنس کلاس میں لے رہے تھا۔ ایوی ایشن سے منسلک حکام کا کہنا ہے کہ اس قسم کے واقعات اکثر ایئر انڈیا میں پیش آ تے رہتے ہیں کیونکہ نئی پرائیویٹائز ایئر لائن جان بوجھ کر بزنس کلاس کی کچھ سیٹوں پر بکنگ نہیں کرتی تاکہ ان کا عملہ آرام سے وہاں باری باری سو سکے۔
