فرمان الہی
نماز کے اوقات
کراچی(نیوزڈیسک)بھارت اور چین نے براہ راست پروازیں دوبارہ شروع کرنے پر بات چیت کی، تاہم ابھی تک اس کے پھر آغاز سے متعلق کوئی تاریخ طے نہیں کی گئی۔غیر ملکی خبر رساں ادارے کے مطابق پڑوسی ممالک نے جنوری میں تجارتی اور اقتصادی اختلافات کو حل کرنے پر کام کرنے پر اتفاق کیا تھا، اس اقدام سے ان کے ہوابازی کے شعبوں کو فروغ ملے گا۔نئی دہلی میں انڈین چیمبر آف کامرس کی طرف سے منعقدہ ایک کانفرنس میں شہری ہوابازی کے سیکریٹری ووملنمانگ ووالنم نے کہا کہ ’ہوا بازی کی وزارت اور چین میں ہمارے ہم منصب نے ایک اجلاس میں تبادلہ خیال کیا۔‘انہوں نے تفصیل کے بغیر مزید بتایا کہ ابھی کئی مسائل کو حل کرنا باقی ہے۔ہمالیہ میں ان کی سرحد کے ساتھ فوجیوں کے درمیان 2020 میں ہونے والے تصادم کے بعد بھارت اور چین کے درمیان تعلقات خراب ہوگئے تھے، جس میں کم از کم 20 بھارتی اور 4 چینی فوجی ہلاک ہوئے تھے۔
