فرمان الہی
نماز کے اوقات
خواتین ٹینس کی نامور پلیئر امریکا کی سیرینا ولیمز کا کہنا ہے کہ اس کھیل میں مرد اور خواتین کھلاڑیوں میں تفریق کی جارہی ہے، اٹلی کے جینک سینر کو ڈوپنگ کیس میں جو سزا دی گئی ہے وہ کم ہے، اگر یہی کچھ اُن کے ساتھ ہوتا تو اُنہیں کم از کم 20 برس کی پابندی کا سامنا کرنا پڑتا۔
ایک انٹرویو میں سیرینا ولیمز کا کہنا تھا کہ ٹینس میں دہرا معیار قائم کیا جارہا ہے، عالمی نمبر ون اٹلی کے جینک سینر کو ڈوپنگ کیس میں جو سزا دی گئی ہے وہ کم ہے۔
سیرینا ولیمز کا کہنا تھا کہ اگر یہی معاملہ اُن کے ساتھ ہوتا تو اس کیس میں اُنہیں نہ صرف 20 برس کی پابندی کا سامنا کرنا پڑتا بلکہ اُن سے تمام گرینڈ سلم بھی واپس لے لیے جاتے۔
واضح رہے کہ جینک سینر کو ڈوپنگ کیس میں تین ماہ یعنی 9 فروری سے 4 مئی تک پابندی کا سامنا ہے۔ وہ اگلے ماہ روم میں ہونے والے اٹالین اوپن سے کورٹ میں ایکشن میں دکھائی دیں گے۔
سیرینا ولیمز کے علاوہ نوواک جوکووچ اور برطانیہ کے لیام بروڈی کا بھی کہنا ہے کہ جینک سینر کو کم سزا ملی ہے۔
