• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حدود کی اچانک بندش سے بھارتی ایئر لائنز کا بحران، پروازوں کے رخ موڑنا پڑے

آج کا اخبار
اہم خبریں
25 اپریل ، 2025
کراچی( افضل ندیم ڈوگر )پاکستان کی فضائی حدود کی اچانک بندش سے بھارتی ایئر لائنوں کی بیشتر پروازوں کو ہنگامی صورتحال کا سامنا کرنا پڑا طویل دورانیہ کی پروازیں مختلف ملکوں کے متبادل ایئرپورٹس پر اتارنا پڑیں جبکہ کئی کو رخ موڑنا پڑا۔ پاکستانی وقت کے مطابق لگ بھگ شام 6بجے بھارتی طیاروں کیلئے پاکستان کی فضائی حدود بند کی گئی تو شارجہ سے انڈیگو ایئر کی پرواز 6ای 1428ایران میں تربت کے قریب پاکستانی فضائی حدود میں داخل ہونے والی تھی مگر نوٹم جاری ہونے کے بعد پرواز کا رخ موڑ دیا گیا۔ طیارہ خلیج آف عمان کے اوپر سے گزر کر اضافی فیول کیلئے احمد اباد ایئرپورٹ پر اترا۔ ٹورنٹو سے ایئر انڈیا کی پرواز اے ائی 190کو بھی ری فیولنگ اور عملے کے ریسٹ کیلئے کوپن ہیگن اتار لیا گیا۔ پیرس سے ایر انڈیا کی نیو دہلی کی پرواز اے ائی 148کو ری فیولنگ کے لیے ابوظہبی اتارا گیا۔ لندن سے ایئر انڈیا کی پرواز اے ائی162کو بھی ابوظہبی ایئرپورٹ لینڈ کرایا گیا۔دہلی سے تبلیسی کیلئے روانہ ہوئی انڈیگو کی پرواز 6 ای 1807 احمد آباد اتاری گئی۔
اہم خبریں سے مزید