• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں تمام مذاہب کو برابری کے حقوق حاصل، سیکرٹری مذہبی امور

آج کا اخبار
اہم خبریں
28 اپریل ، 2025
اسلام آ باد (نمائندہ جنگ) پاکستان میں بین المذاہب ہم آہنگی اور نوجوانوں کی قیادت کے فروغ کے لیے منعقد ہونے والا پاکستان مائنارٹی یوتھ فیسٹیول 2025کٹاس راج مندروں (چکوال)کے تاریخی مقام پر منعقد ہوا ۔فیسٹیول میں پاکستان بھر سے مسیحی، ہندو، سکھ اور دیگر اقلیتی برادریوں سے تعلق رکھنے والے 100سے زائد نوجوان رہنماؤں نے شرکت کی۔صوبائی وزیر اقلیتی امور سردار رمیش سنگھ اروڑہ ۔وفاقی سیکرٹری برائے مذہبی امور و بین المذاھب ہم اہنگی ڈاکٹر سید عطاء الرحمن،سیکرٹری متروکہ وقف املاک بورڈ فرید اقبال ،ایڈیشنل سیکرٹری سیف اللہ کھوکھر،دی سی چکوال اور دیگر صوبائی ،وفاقی نمائندگان نے شرکت کی،سیکرٹری مذہبی امور عطا الرحمن نے کہا کہ "پاکستان میں تمام مذاہب کو برابری کے حقوق حاصل ، ۔ فیسٹیول میں مختلف مکالماتی نشستوں، ثقافتی پروگراموں اور تربیتی سیشنز کا اہتمام کیا گیا، جن کا مقصد قومی یکجہتی، باہمی احترام اور ہم آہنگی کو فروغ دینا تھا۔وفاقی سیکرٹری برائے مذہبی امور و بین المذاہب ہم آہنگی ڈاکٹر سید عطاء الرحمن نے فیسٹیول کے شرکاء سے خطاب کرتے ہوئے کہاکہ"پاکستان میں تمام مذاہب اور عقائد کے لوگوں کو برابری کے حقوق حاصل ہیں ۔ حکومت پاکستان ایسے تمام اقدامات کی مکمل حمایت کرتی ہے جو معاشرتی ہم آہنگی اور قومی یکجہتی کو مضبوط کرتے ہیں۔" کٹاس راج بین المذاھب تنظیموں کا مرکز ہے ۔متروکہ وقف املاک بورڈ کٹاس راج مندر کی تزین و ارائش اور مزید بہتری کے لیے ماسٹر پلان تشکیل دیا ہے۔صوبائی وزیر برائے اقلیتی امور، رامیش سنگھ اروڑا نے اپنے خطاب میں کہا کہ"پاکستان کی ترقی اقلیتوں کی شمولیت اور ان کے کردار کے بغیر ممکن نہیں۔ ہمیں مل کر ایک ایسا پاکستان بنانا ہے جو سب کے لیے مساوی مواقع فراہم کرے۔"تقریب کے شرکا کو ایڈیشنل سیکرٹری شرائنز متروکہ وقف املاک بورڈ سیف اللہ کھوکھر نے کٹاس راج مندر کے بارے بریفنگ دی کیے جاے والے ترقیاتی کاموں کے حوالے سے اگاہ کیا۔ایس اے ایل ٹی (سوشل اویئرنیس اینڈ لیڈرشپ ٹریننگ) کے ڈائریکٹر البرٹ ڈیوڈ نے کہا یہ نوجوان پاکستان کا روشن مستقبل ہیں۔ ان کے جذبے اور وژن نے امید کی ایک نئی کرن پیدا کی ہے۔" دیگر شرکاء نے بھی اپنے خیالات کا اظہار کرتے ہوئے کہا کہ یہ فیسٹیول ان کے لیے ایک زندگی بدل دینے والا تجربہ رہا، اور وہ ملک میں ہم آہنگی اور یکجہتی کے لیے مل کر کام کرنے کے عزم کے ساتھ اپنے علاقوں کو واپس جا رہے ہیں۔
اہم خبریں سے مزید