• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مئی میں مہنگائی کی شرح 3 سے چار فیصد ہونے کا امکان، برآمدات، ترسیلات زر میں اضافہ، وزارت خزانہ کی رپورٹ

آج کا اخبار
اہم خبریں
25 اپریل ، 2025
کراچی (این این آئی) پاکستان کے زیادہ تر معاشی اشاریوں میں بہتری کا رجحان تاہم مہنگائی میں اضافے کا خدشہ ہے۔ وزارت خزانہ کی ماہانہ اقتصادی رپورٹ کے مطابق کرنٹ اکائونٹ سرپلس، ترسیلات زر اور برآمدات میں بھی نمایاں بہتری آئی، اپریل میں مہنگائی کی شرح ڈیڑھ سے دو فیصد رہنے کا امکان ہے جو اگلے ماہ تین سے چار فیصد تک جا سکتی ہے۔رواں مالی سال کے پہلے 9 ماہ میں کرنٹ اکائونٹ ایک ارب 85 کروڑ ڈالر سرپلس رہا۔ ترسیلات زر 33 فیصد اضافے کے ساتھ 28ارب ڈالر سے تجاوز کر گئیں جبکہ برآمدات 24ارب 66کروڑ ڈالر ریکارڈ کی گئیں۔رپورٹ کے مطابق ٹیکس آمدن میں 25فیصد اضافہ ہوا اور نان ٹیکس ریونیو بہتر اعشاریہ نو فیصد اضافے سے تین ہزار 933 ارب روپے رہا۔ وزارت خزانہ کے مطابق صنعتی و زرعی شعبوں میں آئندہ مہینوں میں بتدریج بہتری متوقع ہے۔رپورٹ کے مطابق براہ راست غیرملکی سرمایہ کاری میں 14فیصد اضافہ ریکارڈ کیا گیا جو مجموعی طور پر ایک ارب 64کروڑ ڈالر رہی۔
اہم خبریں سے مزید