فرمان الہی
نماز کے اوقات
کراچی(اسٹاف رپورٹر) پیر کو بنوں میں پی سی بی چیلنج کپ (دو روزہ ٹورنامنٹ) میچ کے دوران نوجوان کرکٹر علیم خان حرکت قلب بند ہونے کی وجہ سے انتقال کر گئے۔ پی سی بی کے مطابق رات گئے نماز جنازہ کے بعد ان کی تدفین کر دی گئی۔ ڈائریکٹر ڈومیسٹک پاکستان کرکٹ بورڈ عبداللہ خرم نیازی نے 24 سالہ علیم خان کے انتقال پر سوگوار خاندان سے دلی ہمدردی و اظہار تعزیت کیا ہے۔ ذرائع کے مطابق بنوں سے تعلق رکھنے والے علیم بولنگ کرتے ہوئے زمین پر گر گئے، انہیں فوری طور پر اسپتال لے جایا گیا لیکن وہ راستے میں انتقال کر گئے۔ڈاکٹر کے مطابق انہیں دل کی تکلیف پہلے سےہی تھی۔
